"Moddiy manfaat hayotning hal qiluvchi kuchiga aylanib bormoqda", - O‘zbekiston madaniyat vaziri

O‘zbekiston Madaniyat vaziri "O‘zbekiston" telekanaliga intervyu berdi. Suhbat davomida vazir moddiy manfaatdorlik bugungi kunda hayotning hal qiluvchi kuchiga aylanib borayotganidan noroziligini bildirdi.

Vazirning so‘zlariga ko‘ra, odamlar moddiy manfaat ko‘rmasdan biror narsa qilishni to‘xtatgan.

"Bugun odamlar hisob-kitoblarga shunchalik e’tibor qaratishdiki, bu ota-o‘g‘il, aka-uka va qarindosh-urug‘lar o‘rtasidagi munosabatlarga aralashib ketmoqda. Biz aytayotgan qadriyat - bu oila rishtalari. Bu qadriyat oila institutining muhim qismidir. Biroq bugun bir-ikki illatning o‘z-o‘zidan shakllanayotganini ko‘ryapmiz", dedi vazir.

O‘zbekistonliklar vazirni bu so‘zlari uchun ijtimoiy tarmoqlarda tanqid qilgan. Narxlarning ko‘tarilishi va og‘ir moliyaviy ahvol tufayli odamlar "ochko‘z" bo‘lib qolgan, deydi ular.