25-sentabr holatiga ko‘ra, Toshkent dunyoning eng ifloslangan shaharlari o‘ntaligidan joy olgan

"O‘zgidromet" matbuot xizmati Toshkent shahridagi havo sifati bo‘yicha hisobot e’lon qildi.

25-sentabr kuni soat 9:00 holatiga ko‘ra, poytaxtdagi havo monitoringi avtomatlashtirilgan stansiyalarida ayrim ko‘rsatkichlardan oshib ketish holatlari qayd etilgan. Xususan, poytaxt havosidagi PM2,5 kontsentratsiyasi SanQvaN 0053-23 tomonidan belgilangan 35 mkg/m3 standartga nisbatan 41,79 mkg/m3 ni tashkil etdi. Bu standartdan 1,19 barobar oshadi. PM10 kontsentratsiyasi normal chegarada, 156,08 mkg/m3, avtomobil va sanoat chiqindilaridan hosil bo‘lgan uglerod oksidi kontsentratsiyasi esa normal diapazonda, 0,45 mg/m3.

IQAir ma’lumotlariga ko‘ra, Toshkent dunyodagi eng ifloslangan shaharlar ro‘yxatida 7-o‘rinda turadi. Poytaxtimizda havo sifati indeksi 115 ni tashkil etadi, bu esa, ayniqsa surunkali respirator kasalliklarga chalingan aholining zaif qatlamlari uchun zararli hisoblanadi. Ar-Riyod (Saudiya Arabistoni) va Lahor (Pokiston) shaharlari Toshkentdan balandroq, Kobul (Afg‘oniston) va Karachi (Pokiston) esa pastroq.