Toshkent havosi eng ifloslangan 10 ta davlat qatoridan joy olishda davom etmoqda

"O‘zgidromet" matbuot xizmati Toshkent shahridagi atmosfera havosi holatiga oid ma’lumotlarni e’lon qildi.

2025-yil 7-oktabr soat 9:00 holatiga avtomatik havo monitoringi stansiyalari SanQvaN 0053-23 standartidan 1,3 barobar oshib ketgan PM2.5 zarrachalarini qayd etdi. Standart 35 mkg/m3 darajasiga nisbatan 47,91 mkg/m3 ni tashkil etdi. PM10 zarrachalari darajasi ruxsat etilgan 500 mkg/m3 chegara bilan solishtirganda 168,72 mkg/m3 ga yetib, standart doirasida edi. Uglerod oksidi miqdori ham belgilangan 5 mg/m3 me’yor doirasida saqlanib qoldi va 0,68 mg/m3 ga yetdi.

IQAir veb-saytiga ko‘ra, Toshkent dunyoning eng iflos shaharlari orasida oltinchi o‘rinni egalladi. Qayd etilishicha, Toshkent uzoq vaqt davomida ushbu indeksda doimiy ravishda 10-o‘rinni egallab kelmoqda. Toshkentda 132 indeks ko‘rsatkichi qayd etilgan bo‘lib, u kasal va zaif qatlamlar uchun nosog‘lom hisoblanadi. Toshkentdan yuqorida joylashgan shaharlar qatoriga Bishkek (Qirg‘iziston), Manama (Bahrayn), Kalkutta (Hindiston) va Kinshasa (Zair) kiradi.