Saksovulni kesish buxorolik erkakga 15 million so‘mga tushadi

Saksovulni kesish bilan shug‘ullangan shaxs jazolandi - Buxoro viloyati ekologiya boshqarmasi matbuot xizmati xabar berdi.

Ekologiya inspektorlari tomonidan Buxoro viloyatida atrof-muhit va bioxilma-xillikni asrash, saksovul kesilishining oldini olish maqsadida nazorat reydlari o‘tkazilmoqda. Buxoro viloyati ekologiya boshqarmasi tezkor guruhi Shofirkon tumani bo‘limi xodimlari bilan hamkorlikda tumandagi cho‘l hududlarida nazorat reydlari o‘tkazdi.

Reyd davomida Shofirkon tumanida yashovchi G‘alaba cho‘li hududidan saksovulni kesib o‘tayotganligi aniqlandi.

Mazkur shaxsga nisbatan O‘zbekiston Respublikasining Ma’muriy javobgarlik to‘g‘risidagi kodeksining "Daraxtlarni, butalarni, boshqa o‘simliklarni va nihollarni qonunga xilof ravishda kesish, kundakov qilish, shikastlantirish, yo‘q qilish yoki boshqa joyga ko‘chirib o‘tkazish" moddasi 1-qismi bilan ma’muriy bayonnoma qo‘zg‘atildi. Unga 10 300 000 so‘m jarima solingan. Shuningdek, undan 5 191 200 so‘m tovon undirilishi ham talab qilinadi.

Ma’lumot uchun, saksovul o‘rmonlarining paydo bo‘lishi o‘zgaruvchan qumlarni barqarorlashtirishga yordam beradi, cho‘llanish jarayonini sekinlashtiradi va yer yaqinida shamol tezligini pasaytiradi, chang zarralari va tuz-qum zarralari havoga chiqishining oldini oladi. Etti yillik saksovul o‘rmonida shamol tezligi butunlay to‘xtatiladi. Bitta saksovul tupi to‘rt tonna ko‘chma qumni to‘xtata oladi. Bir gektar saksovul o‘rmoni yiliga 1135 kg karbonat angidridni o‘zlashtiradi va 835 kg kislorod chiqaradi. Bu havo tarkibini yaxshilaydi va atrof-muhit ifloslanishining oldini oladi.