Jizzax viloyati Baxmal tumani turizmdan millionlab dollar daromad oldi. Mahalliy hokimiyat ma’lumotlariga ko‘ra, yil boshidan buyon tumanga 213 ming sayyoh tashrif buyurgan.
Bu 213 ming sayyohning 44 mingdan ortig‘i xorijliklardir. Baxmal tumani xorijlik sayyohlardan 6 million dollar daromad oldi. O‘rtacha sayyoh sayohati davomida qariyb 134 dollar sarflagan.
Ta’kidlash joiz, tumanda turizm infratuzilmasi izchil rivojlantirilmoqda. Rasmiylar bu sohadan ko‘proq daromad olish uchun turizm eksportini oshirishga harakat qilmoqda.