O‘zbekiston banklarida dollar sotib olish kursi 12 ming so‘mdan pastga tushdi

6-oktabrdan buyon O‘zbekiston valyuta bozorida dollar sotib olish kursida sezilarli pasayish kuzatildi, deb xabar bermoqda UzNews.uz axborot agentligi.

Mamlakatimizdagi ayrim tijorat banklarida xorijiy valyutani sotib olish kursi uzoq vaqtdan beri ilk bor 11 698 so‘mga yetdi. 6-oktabr holatiga ko‘ra, tijorat banklarida stavkalar diapazoni quyidagicha:

• dollarni sotib olish kursi: 11 698 so‘mdan 12 010 so‘mgacha.

• dollarning sotish kursi: 12 060 so‘mdan 12 422 so‘mgacha.

Yangi stavkalarni belgilagan banklarga quyidagilar kiradi:

• AVO: sotib olish - 11 698, sotish - 12 422;
• Ipoteka-bank, Invest Finance Bank: sotib olish - 11 965, sotish - 12 120;
• Orient Finance Bank, Trast Bank, Mikrokreditbank: sotib olish - 11 970 so‘m, sotish - 12 120 so‘m.

Markaziy bankning dollarga nisbatan rasmiy kursi (6-oktabrdan) 12 060,48 so‘m.