"O‘ZYO‘LKO‘PRIK KLASTERINING NAVOIY FILIALI" O‘zbekiston bozoridagi ustun mavqeidan foydalangan

"O‘ZYO‘LKO‘PRIK KLASTERINING NAVOIY FILIALI"ga nisbatan chora ko‘rildi - Raqobatni rivojlantirish va iste’molchilar huquqlarini himoya qilish qo‘mitasi matbuot xizmati xabar berdi.

Qo‘mitaning Navoiy viloyati hududiy boshqarmasi tomonidan asfalt-beton aralashmasi, issiq aralash asfalt-beton va boshqa mahsulotlar, sovuq-beton aralashmalari sifatida sotish bo‘yicha ustun mavqega ega bo‘lgan sub’ektlar davlat reyestriga kiritilgan "O‘ZYO‘LKO‘PRIK KLASTERINING NAVOIY FILIALI" davlat korxonasi tomonidan tuzilgan shartnomalar bo‘yicha tekshiruv o‘tkazildi. Aniqlanishicha, 2023-2025 yillar mobaynida kompaniya shartnomalarida xaridorlarni kamsituvchi shartlar mavjud. Aniqrog‘i, xaridor to‘lovni kechiktirganlik uchun 0,4% yoki 0,5%, lekin umumiy summaning 50% dan ko‘p bo‘lmagan miqdorda, yetkazib beruvchi esa o‘z navbatida 0,4% yoki 0,5%, lekin umumiy summaning 10% dan ko‘p bo‘lmagan miqdorda penya undirishi shart edi. Shunday qilib, kompaniya o‘zining ustun mavqeidan foydalanganligi aniqlandi.

Shundan kelib chiqib, kompaniyaga nisbatan moliyaviy sanksiyalar qo‘llanilgan. Ularga yo‘l qo‘yilgan qoidabuzarliklarni bartaraf etish va boshqa huquqbuzarliklarning oldini olish bo‘yicha ko‘rsatmalar berildi.