Surxondaryo viloyati hokimi yordamchisi korruptsion sxemaga aloqador ekani aniqlandi

Jinoyat sodir etgan uch nafar shaxs qo‘lga olindi - Davlat xavfsizlik xizmati matbuot xizmati xabar berdi.

Davlat xavfsizlik xizmati xodimlari Bosh prokuratura huzuridagi Departamentning hududiy boshqarmasi va ichki ishlar organlari xodimlari bilan birgalikda maxsus tezkor tadbir o‘tkazdi. O‘tkazilgan tezkor tadbir davomida Surxondaryo viloyati Sariosiyo tumanidagi mahallalardan birida 29 million so‘m olgan hokim yordamchisi qo‘lga olindi. Qo‘lga olingan 1996-yilda tug‘ilgan fuqaroga 2,5 gektar yerni 30 yilga ijaraga berishga yordam berishni va’da qilib, ishonchiga kirgan.

Tergov jarayonida qo‘lga olingan shaxs pulning bir qismini "O‘zdaverloyiha" ilmiy-tadqiqot loyiha instituti xodimi va Sariosiyo tumani qishloq xo‘jaligi bo‘limi xodimiga o‘tkazib berishi kerak bo‘lganini ham aniqladi. Uning jinoiy sheriklari ham qo‘lga olindi.

Mazkur holat yuzasidan O‘zbekiston Respublikasi Jinoyat kodeksining "Firibgarlik" va "Pora berish" moddalari bilan jinoyat ishi qo‘zg‘atilgan. Tergov harakatlari davom etmoqda.