Xabarga ko‘ra, Krasnoyarsk shahrida politsiya, Rosgvardiya va OMON xodimlari o‘zbekistonlik fuqarolar ishtirokida o‘tayotgan tantanali tadbir o‘tkazilayotgan muassasa hududiga bostirib kirgan. Shu paytda sahnada o‘zbek xonandasi Jaloliddin Ahmadaliyev qo‘shiq ijro etdi. Huquqni muhofaza qiluvchi organlardan biri sahnaga chiqib, mikrofon orqali barcha mehmonlarning hujjatlari tekshirilishi zarurligini e’lon qilgan.
Natijada tadbir bir necha soatga to‘xtatilgan va zalda bo‘lgan har bir shaxs tekshiruvdan o‘tkazilgan. Tekshiruv jarayonida qoidabuzarlik aniqlangan fuqarolar zal ichidan tahqirlovchi tarzda chiqarib yuborilgan - ularni bir chiziq bo‘lib, bir-birining yelkasidan ushlashga majbur qilgan holda olib chiqqanlar.
Ijtimoiy tarmoqlarda Rossiya Federatsiyasi huquqni muhofaza qiluvchi organlarining bunday harakatlariga nisbatan norozilik bildirildi. Foydalanuvchilar bu holatni yana bir bor o‘zbekistonlik fuqarolarga nisbatan kamsitish sifatida baholaganlar.
Bu Rossiyaning antimigratsion siyosati natijasi bo‘lib, ochiqchasiga boshqa millatlarini kamsitish va mazax qilish ekanligini ko‘rsatmoqda, - Rasul Kusherbayev o‘zining Telegram-kanalida yozilgan.
