Farg‘ona viloyatida yashovchi fuqaro 57 kg dan ortiq giyohvand moddalarni bojxona nazoratidan olib o‘tmoqchi bo‘ldi

Giyohvand moddalar kontrabandasi to‘xtatildi - Davlat xavfsizlik xizmati (DXX) matbuot xizmati xabar berdi.

DXX xodimlari Farg‘ona viloyatining Beshariq tumanida maxsus tadbir o‘tkazdi. Tadbir davomida "Rovot" chegara bojxona postida shu tumanda yashovchi 1992-yilda yashovchi fuqaro boshqaruvidagi "Cobalt" rusumli avtomashina to‘xtatilib, ko‘rikdan o‘tkazildi. Avtotransport vositalari ko‘rikdan o‘tkazilganda, gumonlanuvchi Tojikistonning Dushanbe shahridan o‘nlab o‘ramlarni olib kelgani aniqlangan. 50,82 kg opiy va 6,93 kg gashish aniqlanib, musodara qilindi.

Mazkur holat yuzasidan O‘zbekiston Respublikasi Jinoyat kodeksining "Kontrabanda" va "Giyohvandlik vositalari, ularning analoglari yoki psixotrop moddalarni o‘tkazish maqsadida qonunga xilof ravishda tayyorlash, olish, saqlash va boshqa harakatlar, shuningdek ularni sotish" moddalari bilan jinoyat ishi qo‘zg‘atilgan. Hibsga olingan shaxs 20 yilgacha ozodlikdan mahrum etilishi mumkin. Hozirda tergov harakatlari olib borilmoqda.