Qibray tumanida 23 yoshli HOWO haydovchisi svetoforni buzib tashladi

Toshkent viloyati IIBB Yo‘l harakati xavfsizligi boshqarmasi matbuot xizmati yo‘l-transport hodisasi yuzasidan xabar e’lon qildi.

Ijtimoiy tarmoqlarda Qibray tumanida bir necha kundan buyon svetoforning buzilgani maxsus ustunga osilib turgani haqida xabarlar tarqaldi. Aniqlanishicha, yo‘l-transport hodisasi D006 "Toshkent-Chirchiq-Chimyon" yo‘lining Toshkent viloyati Qibray tumani hududidan o‘tuvchi 8-kilometrida sodir bo‘lgan. 2025-yil 15-sentabr kuni HOWO yuk mashinasining 2002-yilda tug‘ilgan haydovchisi boshqaruvni yo‘qotib, svetofor ustuniga urilib, unga shikast yetkazgan.

To‘qnashuvda hech kim jabrlanmagan, yo‘lning o‘sha qismidagi svetofor nosoz ekanligi aniqlangan. Hozirda svetofor to‘liq ta’mirlanib, ishlamoqda.

Toshkent viloyati IIBB YHXB haydovchilarni belgilangan yo‘l harakati qoidalariga qat’iy rioya qilishga chaqirdi.