Namanganlik 700 ming so‘m uchun yetti yilgacha ozodlikdan mahrum etilishi mumkin

Erkakga nisbatan jinoyat ishi qo‘zg‘atildi - Namangan viloyati IIB matbuot xizmati xabar berdi.

Huquq-tartibot idoralari xodimlari tomonidan tezkor-profilaktik tadbir o‘tkazildi. Olib borilgan tezkor tadbir davomida Namangan tumanidagi Qorako‘l mahallasida yashovchi fuqaro qo‘lga olindi. Aniqlanishicha, erkak o‘z uyida qimor o‘yinlarini yo‘lga qo‘ygan. Uni qo‘lga olish vaqtida uning yonida besh nafar mijoz bo‘lgan, ulardan 700 ming so‘m olgan. Shuningdek, o‘yin kartalari va qimor o‘yinlari uchun zarur bo‘lgan boshqa buyumlar topilib, olib qo‘yildi.

Mazkur holat yuzasidan O‘zbekiston Respublikasi Jinoyat kodeksining "Qimor va tavakkalchilikka asoslangan boshqa o‘yinlarni tashkil etish hamda o‘tkazish" moddasi bilan jinoyat ishi qo‘zg‘atilgan. Ushbu jinoyat moddasi bo‘yicha eng kam jazo 7 yilgacha ozodlikdan mahrum etilishi mumkin.

Hozirda hodisaning barcha holatlarini aniqlash va noqonuniy faoliyatda ehtimoliy sheriklarni aniqlash bo‘yicha tergov-tezkor tadbirlari olib borilmoqda. IIB qimor o‘yinlarini tashkil etish va o‘tkazish qat’iyan taqiqlangani va jiddiy jinoiy javobgarlikka sabab bo‘lishini eslatib o‘tadi.