Oradan bir necha oy o‘tgach, IIB xodimlari namanganlik fuqaroning 64 million so‘m pulini o‘g‘irlagan firibgarning shaxsini aniqladi

Onlayn firibgar qo‘lga olindi - Namangan viloyati IIB matbuot xizmati xabar berdi.

Namangan viloyati Chortoq tumanidagi Sarkor mahallasida yashovchi 1982-yilda tug‘ilgan fuqaro huquq-tartibot idoralariga murojaat qildi. U o‘tgan yilning 12 dekabr kuni bank kartasidan pul sirli ravishda yo‘qolib qolganini ma’lum qilgan. Jami 64 million so‘m yo‘qolgan edi.

Olib borilgan tezkor-qidiruv tadbirlari natijasida joriy yilning avgust oyi oxirlarida huquq-tartibot idoralari xodimlari tomonidan jinoyat sodir etgan shaxs aniqlangan. U Toshkent shahrining Mirzo Ulug‘bek tumanida yashovchi, 1983-yilda tug‘ilgan bo‘lib, jinoyatchi aldov yo‘li bilan jabrlanuvchining bank kartasi rekvizitlari va SMS-xabardan maxfiy kodni olgani aniqlangan. Bu unga jabrlanuvchining barcha mablag‘larini boshqa bank kartasiga o‘tkazish imkonini berdi.

Mazkur holat yuzasidan O‘zbekiston Respublikasi Jinoyat kodeksining "Firibgarlik" moddasi 3-qismi bilan jinoyat ishi qo‘zg‘atilgan. Jinoyatchi sakkiz yilgacha ozodlikdan mahrum etilishi mumkin.