Angren shahrida giyohvand moddalar savdosi bilan shug‘ullangan jinoiy guruh qo‘lga olindi

Giyohvandlik vositalari va psixotrop moddalarning noqonuniy aylanishiga chek qo‘yildi - Bosh prokuratura departamenti matbuot xizmati xabar berdi.

Bosh prokuratura departamentining Angren shahar boshqarmasi xodimlari Davlat xavfsizlik xizmati va IIB xodimlari bilan hamkorlikda maxsus tezkor tadbir o‘tkazdi. O‘tkazilgan tezkor tadbir davomida 10 dona kuchli ta’sir etuvchi "Zardeks" preparatini 1 million so‘mga sotayotgan shaxs qo‘lga olindi.

Olingan ko‘rsatmalar asosida uning yana to‘rt nafar jinoiy sherigi qo‘lga olindi. Ulardan 49 dona kuchli ta’sir etuvchi "Zardeks" giyohvandlik moddasi, shuningdek, bir nechta o‘ramda gashish va marixuana topilib, olib qo‘yildi.

Mazkur holat yuzasidan "Giyohvandlik vositalari, ularning analoglari yoki psixotrop moddalar hisoblanmaydigan kuchli ta’sir qiluvchi moddalarni targ‘ib qiluvchi mahsulotni tayyorlash, tarqatish, reklama qilish, namoyish etish yoki bunday moddalarni yoxud zaharli moddalarni qonunga xilof ravishda muomalaga kiritish" hamda "Giyovandlik vositalari, ularning analoglari yoki psixotrop moddalarni o‘tkazish maqsadini ko‘zlab qonunga xilof ravishda tayyorlash, olish, saqlash va boshqa harakatlar qilish, shuningdek ularni qonunga xilof ravishda o‘tkazish" O‘zbekiston Respublikasi Jinoyat kodeksining. Jinoyatchilar 20 yilgacha ozodlikdan mahrum etilishi mumkin.