Piyoda bo‘lishni orzu qilgan "Damas": Toshkentda mini yuk mashinasi haydovchisi jazolandi

Yo‘l harakati qoidalarini buzgan shaxs jazolandi - Toshkent shahar IIBB YXHB matbuot xizmati xabar berdi.

Ijtimoiy tarmoqlarda yo‘l harakati qoidalarining jiddiy buzilishi haqidagi xabarlar tarqaldi. Ayrim ma’lumotlarga ko‘ra, voqea Toshkentning Olmazor tumanidagi Chig‘atoy ko‘chasida sodir bo‘lgan. "Labo" rusumli avtomashina haydovchisi amaldagi yo‘l harakati qoidalariga e’tibor bermay, piyodalar o‘tish joyida yo‘l bo‘lagini kesib o‘tgan. Bu bilan haydovchi o‘sha vaqtda yo‘lni kesib o‘tgan piyodalarning hayoti va sog‘lig‘ini xavf ostiga qo‘ygan.

Huquqbuzarga nisbatan O‘zbekiston Respublikasining Ma’muriy javobgarlik to‘g‘risidagi kodeksining "Haydovchilarning transport vositalarini trotuarlardan, piyodalar va velosiped yo‘lkalaridan, yashil maydonlardan yurgizishi, yo‘l belgilari va yo‘l harakatining boshqa qoidalari talablariga rioya etmasligi" moddasi bilan ma’muriy bayonnoma rasmiylashtirildi. Unga 412 000 so‘m jarima solindi.

Ijtimoiy tarmoq foydalanuvchilari yo‘lning ushbu qismida har kuni shunday holatlar sodir bo‘layotganidan, kichik avtomashinalar, jumladan, Matiz, Spark, Damas, Labo va boshqalar piyodalar o‘tish joyidan o‘tib ketayotganidan shikoyat qilmoqda.