Toshkentda advokat 3700 dollar olayotgan vaqtda qo‘lga olindi

Advokat hibsga olindi - Davlat xavfsizlik xizmati (DXX) matbuot xizmati xabar berdi.

DXX xodimlari Bosh prokuratura departamenti xodimlari bilan birgalikda maxsus tezkor tadbir o‘tkazdi. Olib borilgan tezkor tadbir davomida Toshkent viloyatining Pskent tumanida yashovchi, Toshkent shahridagi advokatlik firmalaridan birida advokatlik faoliyatini olib borayotgan 1989-yilda tug‘ilgan shaxs qo‘lga olindi. U 3700 dollar olayotgan vaqtda hibsga olingan.

Aniqlanishicha, ushbu pul evaziga Yashnobod tumani IIB tomonidan O‘zbekiston Respublikasi Jinoyat kodeksining "Firibgarlik" va "Pora berish" moddalari bilan ayblanayotgan shaxsga nisbatan qo‘zg‘atilgan jinoyat ishi bo‘yicha ehtiyot chorasini o‘zgartirishni va’da qilgan. Bu pullarga uning sud tizimidagi yuqori lavozimda ishlovchi orqali sudning ijobiy hal qiluv qarorini olishga yordam ham kiritilgan.

Mazkur holat yuzasidan advokatga nisbatan O‘zbekiston Respublikasi Jinoyat kodeksining "Firibgarlik" moddasining 3-qismi va "Pora berish" moddasining 1-qismi "Jinoyat ishtirokchilarining turlari" moddasi orqali jinoyat ishi qo‘zg‘atilgan. Hozirda tergov harakatlari olib borilmoqda.