Sergeli tumanidagi 300-maktabda o‘g‘il bolalar qiz bolani tepdi

Toshkent shahar maktabgacha ta’lim va maktab ta’limi bosh boshqarmasi matbuot xizmati rasmiy xabar berdi.

Ijtimoiy tarmoqlarda bir necha o‘g‘il bolalar sinfdoshini tepayotgani aks etgan video tarqaldi. Hodisa joriy yilning 20 sentabr kuni Toshkent shahrining Sergeli tumanidagi 300-maktabda sodir bo‘lgan. 4-sinf o‘quvchilari o‘rtasida mojaro kelib chiqqan, bu vaqtda bir necha o‘g‘il bir qizni tepgan. Maktabgacha ta’lim va maktab ta’limi vazirligi ushbu holat yuzasidan hududiy profilaktika inspektoriga xabar berdi.

Tekshiruv natijalariga ko‘ra, ikki o‘g‘ilning ota-onasiga nisbatan O‘zbekiston Respublikasi Ma’muriy Kodeksining "Bolalarni tarbiyalash va ularga ta’lim berish borasidagi majburiyatlarni bajarmaslik" moddasi bilan ma’muriy bayonnoma qo‘zg‘atilgan. Bolalarning ota-onalari bilan ham profilaktika ishlari olib borilib, maktab direktori va boshqa mas’ul shaxslarga nisbatan intizomiy choralar ko‘rildi.