Sigaretaning noqonuniy aylanishiga chek qo‘yildi - Bosh prokuratura departamenti matbuot xizmati xabar berdi.
Bosh prokuratura huzuridagi departamentning Nurafshon shahar boshqarmasi xodimlari Davlat xavfsizlik xizmati va bojxona boshqarmasi xodimlari bilan hamkorlikda maxsus tezkor tadbir o‘tkazdi. Tadbir davomida noqonuniy sigaretalar savdosi bilan shug‘ullanayotgani aniqlangan Nurafshon shahridagi Shova mahallasida yashovchi fuqaroning uyi ko‘zdan kechirildi. Uning yonidan umumiy qiymati 140,6 million so‘mlik 8 ming 400 o‘ram kontrabanda sigaretalar, shuningdek, 780 o‘ram 30,6 million so‘mlik kontrabanda dori vositalari topildi. Aniqlangan barcha mahsulotlar olinib, dalil sifatida jinoyat ishiga qo‘shildi.
Holat yuzasidan jinoiy ish ochilgan. Hozirda tergov harakatlari olib borilmoqda.