Toshkent viloyatida noqonuniy valyuta ayirboshlash holatlari aniqlandi

Chet el valyutasini noqonuniy ayirboshlash bilan shug‘ullangan shaxslar qo‘lga olindi - Bosh prokuratura departamenti matbuot xizmati xabar berdi.

Bosh prokuratura departamentining Yuqorichirchiq tumani bo‘limi xodimlari tomonidan maxsus tezkor tadbir o‘tkazildi. O‘tkazilgan tezkor tadbir davomida chet el valyutasini noqonuniy ayirboshlash bilan shug‘ullangan shaxs qo‘lga olindi. U 4000 AQSh dollarini boshqa fuqaroga 49,2 million so‘mga sotayotgan vaqtda qo‘lga olingan.

Xuddi shunday, Toshkent viloyatining Parkent tumanida ham chet el valyutasini noqonuniy ayirboshlash bilan shug‘ullangan muqaddam sudlangan shaxs qo‘lga olindi. 3500 AQSh dollarini 42,9 million so‘mga sotayotgan vaqtda qo‘lga olindi.

Har ikki holat yuzasidan O‘zbekiston Respublikasi Jinoyat kodeksining "Valyuta qimmatliklarini qonunga xilof ravishda olish yoki o‘tkazish" moddasi bilan jinoyat ishi qo‘zg‘atilgan.