Toshkent viloyatida sudlangan shaxs voyaga yetmagan bolaga nisbatan jinsiy zo‘ravonlik sodir etdi

Toshkent viloyati IIBB matbuot xizmati rasmiy xabar e’lon qildi.

Ma’lum qilinishicha, joriy yil 16 oktabr kuni soat taxminan 16:00 da Farg‘ona viloyatida tug‘ilgan, 1994 yilda tug‘ilgan Turonov M. ismli shaxs - 50-son manziliy koloniyasi mahkumlaridan biri - o‘zining mehnat faoliyatini olib borayotgan joydan qochib ketgan. Aniqlanishicha, u qochganidan so‘ng voyaga yetmagan shaxsga nisbatan jinsiy zo‘ravonlik sodir etgan. Oradan biroz vaqt o‘tib, jinoyatchi qo‘lga olingan. Unga nisbatan O‘zbekiston Respublikasi Jinoyat kodeksining 4-qismi bilan "Jinsiy ehtiyojni zo‘rlik ishlatib g‘ayritabiiy usulda qondirish" moddasi asosida yangi jinoyat ishi qo‘zg‘atilgan.

Ma’lumotlarga ko‘ra, 2024 yil avgust oyida mazkur mahkumga ilgari sodir etgan jinoyati uchun tayinlangan jazosi yengillashtirilgan. U 2018 yilda sodir etgan jinoyati uchun Jinoyat kodeksining "Nomusga tegish" moddasi 4-qismi bilan aybli deb topilib, 16 yil ozodlikdan mahrum etish jazosiga hukm qilingan edi. Mazkur modda og‘ir toifadagi jinoyat turiga kirgani sababli u muddatidan ilgari ozod etilish huquqiga ega emasdi, biroq jazosi yengillashtirilib, 50-son manzil koloniyasiga o‘tkazilgan. Shu tariqa, u jazoning qolgan qariyb 9 yilini ushbu muassasada o‘tashi kerak edi.

Endilikda jinoyatchiga nisbatan qo‘shimcha ravishda 10 yildan 15 yilgacha ozodlikdan mahrum etish jazosi tayinlanishi mumkin.