Navoiyida mast holatdagi bola avtomobil boshqargani aniqlandi

Navoiy viloyati IIBB matbuot xizmati xabariga ko‘ra, haydovchilik guvohnomasiz avtomobil boshqarish holati aniqlangan.

Navoiy viloyatida joylashgan "Samarqand" YPX stasionar posti xodimlari "Malibu-2" rusumli avtomobilni to‘xtatishga urinishdi. Biroq haydovchi ichki ishlar organlari xodimlarining qonuniy talablariga bo‘ysunmay, qochishga urindi, ammo uzoqqa qocholmadi.

Tekshiruv jarayonida avtomobilni 16 yoshli mast bola boshqarayotgani ma’lum bo‘ldi. Bolani haydashga uning tanishi majbur qilgan, avtomobil egasi ham mast holatda bo‘lib, YPX posti oldida o‘zining voyaga yetmagan do‘stini rul ortiga o‘tirishga iltimos qilgan. Qayd etilishicha, avtomobil "Navoiy-Samarqand" yo‘nalishi bo‘ylab harakatlangan.

Mazkur holat bo‘yicha tegishli chora-tadbirlar ko‘rilgan va huquqbuzarlarga profilaktik tushuntirish ishlari o‘tkazilgan.