Soxta davlat raqamli belgilar aniqlangan - Buxoro viloyati IIB Yo‘l harakati xavfsizligi boshqarmasi matbuot xizmati xabar bermoqda.
Buxoro viloyatidagi YPX xodimlari hujjatlarni tekshirish maqsadida "Toyota" rusumli avtomobilni to‘xtatgan. Ma’lum bo‘lishicha, avtomobil O‘zbekiston hududida Rossiya Federatsiyasining davlat raqamli belgilar bilan harakatlanayotgan edi. Hujjatlarni tekshirish jarayonida ushbu avtomobilga o‘rnatilgan raqamlar soxta ekani, asl raqamlar esa shu paytda avtomobil yukxonasida saqlangani aniqlangan. Shuningdek, aniqlanishicha, ikkinchi to‘plamdagi davlat raqamli belgilar ham Rossiya Federatsiyasiga tegishli bo‘lgan.
Mazkur holat bo‘yicha avtomobil haydovchisiga O‘zbekiston Respublikasining Ma’muriy javobgarlik to‘g‘risidagi kodeksining 5-moddasi "Transport vositalaridan foydalanish qoidalarini buzish" bo‘yicha ma’muriy bayonnoma tuzilgan. Hozirda sodir bo‘lgan voqea tafsilotlarini aniqlash uchun tergov-surishtiruv ishlari olib borilmoqda.