Samarqandda Malibu-2 haydovchisi bankdan qarzga botib, mashinasidan ayrilgan

Samarqand viloyati Majburiy ijro byurosi matbuot xizmati xabariga ko‘ra, avtomashina jarima maydonchisiga joylashtirilgan.

Fuqarolik ishlari bo‘yicha Samarqand shahar sudining hal qiluv qarori asosida Samarqand shahar Majburiy ijro byurosiga fuqarodan 273 million so‘m kredit qarzini undirish yuzasidan ijro ishi kelib tushdi. Kredit uchun garov sifatida Malibu 2 ishlatilgan.

Qayta-qayta ogohlantirish va kechiktirishga qaramay, erkak bank oldidagi qarzini to‘lay olmadi. Shuningdek, u mashinasini yashirishga uringan.

Ijro ishi yuritish chog‘ida uning avtomashinasi Samarqandning markaziy ko‘chalaridan birida to‘xtatilib, jarima maydonchisiga joylashtirilgan. Endilikda, agar qarz qaytarilmasa, avtomobil auksionda sotiladi va tushgan mablag’ qarzdorning bank oldidagi majburiyatlarini to‘lashga yo‘naltiriladi.