Saudiya Arabistoni Haj va Umra ziyoratchilari uchun viza tartibini o‘zgartirdi

Saudiya Arabistonining Haj va Umra vazirligi 2026 yilgi mavsum uchun yangi viza qoidalarini e’lon qildi. Endilikda vizalar Nusuk platformasi orqali berilgan tibbiy ma’lumotnomaga ega shaxslarga beriladi. Bundan tashqari, Umra va Haj safarlarini tashkil etuvchi idoralarga har bir ziyoratchini har bir ziyoratchini chuqur tibbiy ko‘rikdan o‘tkazish, safar davomida ularning xavfsizligiga putur yetkazuvchi kasalliklarni aniqlash vazifasi yuklatildi.

Vazirlik, shuningdek, quyidagi kasalliklarga chalingan ziyoratchilar haj safariga yuborilmasligi ma’lum qilindi:
1. Dializni talab qiladigan buyrak etishmovchiligi;
2. Yurak etishmovchiligi, hatto minimal jismoniy zo‘riqish bilan ham namoyon bo‘ladi;
3. Vaqti-vaqti bilan yoki doimiy kislorod yuborishni talab qiluvchi surunkali o‘pka kasalligi;
4. Jigar etishmovchiligi belgilari bilan og‘ir jigar sirrozi;
5. Og‘ir ruhiy va nevrologik kasalliklar;
6. Qarilik demensiyasi;
7. Homiladorlikning oxirgi uch oyi, shuningdek, har qanday yuqori xavfli homiladorlik;
8. O‘tkir yuqumli kasalliklar (shu jumladan ochiq sil, gemorragik isitma va boshqalar);
9. Kimyoterapiya yoki immunosupressiv davolashning boshqa turlari paytida o‘tkir onkologik kasalliklar.

Qayd etilishicha, mazkur talablar buzilgan yoki noto‘g‘ri ma’lumotlar taqdim etilgan taqdirda vazirlik tegishli choralar ko‘radi.

"Haj" va "Umra" tadbirlarini tashkil etish hamda o‘tkazish bo‘yicha Respublika jamoat kengashi ziyoratchilarni ushbu talablarga qat’iy rioya qilishga chaqiradi va bu talablar ziyoratchilarning hayoti va salomatligini asrashga qaratilganligini ta’kidlaydi.