Toshkentlik ayol sobiq turmush o‘rtog‘idan farzandlarining vasiyligini olishga muvaffaq bo‘ldi

Bolalar onalariga qaytarildi - Toshkent shahar Majburiy ijro byurosi matbuot xizmati xabar berdi.

Ma’lum qilinishicha, Toshkent shahar sudi Fuqarolik ishlari bo‘yicha kollegiyasining 2023-yil 7-iyuldagi ijro qaroriga asosan Yashnobod tuman Majburiy ijro byurosiga 10 va 11 yoshli uch nafar o‘g‘ilni onasining qaramog‘iga o‘tkazish yuzasidan ish kelib tushgan. Aniqlanishicha, er xotini bilan ajrashgan va uch o‘g‘lini o‘zi bilan olib ketgan. Biroq qizini ayolga qoldirib ketgan.

Mazkur sud qarorini ijro etishda Majburiy ijro byurosi xodimlari bolalarni ko‘chirish jarayonini belgilangan tartiblarga qat’iy rioya qilgan holda tashkil etdi. Shu tariqa, joriy yilning 18 oktyabr kuni voyaga yetmagan uch nafar o‘g‘il otasidan onasiga o‘tkazildi. Tez orada sud buyrug‘i to‘liq ijro etilishi munosabati bilan ijro ishi to‘xtatiladi.