Ma’lum qilinishicha, joriy yil 16 oktabr kuni Toshkent kimyo-texnologiya instituti talabasi Muxriddin Ilashov Yangihayot tumanida bolalarning hayotini saqlab qolgan. Qayd etilishicha, u bu jarayonda o‘z hayotini xavf ostiga qo‘ygan.
Shu munosabat bilan, joriy yil 18 oktabr kuni Oliy ta’lim, fan va innovatsiyalar vaziri Qo‘ng‘irotboy Sharipov jasorat ko‘rsatgan talabani faxriy yorliq va esdalik sovg‘asi bilan taqdirladi. Vazir fuqaroning mardligi va fidoyiligini alohida ta’kidladi. Shuningdek, Qo‘ng‘irotboy Sharipov ushbu talaba nafaqat o‘qish maskani, balki butun O‘zbekiston yoshlari uchun ham haqiqiy qahramonlik namunasi bo‘lganini qayd etdi.
Bugungi kunda yoshlar orasida insonparvarlik, vatanparvarlik va jasorat tuyg‘ularini mustahkamlash nihoyatda muhim, - dedi vazir.
