Toshkent shahrida yashovchi fuqaroning "KIA K5" avtomobili musodara qilindi

Toshkent shahar Majburiy ijro byurosi matbuot xizmati xabariga ko‘ra, qidiruvga berilgan avtomobil topildi.

2025 yil 7 iyuldagi Mirzo-Ulug‘bek tumanlararo fuqarolik ishlari sudi qaroriga asosan, poytaxt Majburiy ijro byurosiga fuqaroning "Asakabank" oldidagi qarzini undirish bo‘yicha ijro hujjati kelib tushgan. Fuqaroning bank oldidagi jami qarzi 265,43 million so‘mni tashkil qilgan. Qarz bo‘yicha garov sifatida avtomobil "KIA K5" belgilangan bo‘lib, sud uni undiruvchi foydasiga musodara qilish to‘g‘risida qaror qabul qilgan.

Biroq qarzdor avtomobilni ixtiyoriy ravishda topshirmagan va Majburiy ijro byurosi xodimlaridan yashirgan. Shu sababli avtomobil qidiruvga berilgan edi.

Tezkor tadbirlar davomida "KIA K5" avtomobili qarzdorning yashash joyiga yaqin ko‘p qavatli uylar mahalladan topildi. Ijro harakatlari davomida byuro xodimi, maxsus texnika (evakuator), profilaktika inspektori va guvohlar ishtirokida avtomobilni undiruvchi huzurida musodara qilib, vaqtincha saqlash uchun maxsus avtoturargohga joylashtirdi. Hozirda musodara qilingan transport vositasini auksion orqali realizatsiya qilish choralari ko‘rilmoqda.