Internet-nashr jurnalistlari Toshkentdagi vaziyat bo‘yicha noto‘g‘ri ma’lumot tarqatdilar

Noto‘g‘ri ma’lumot tarqatildi - Ichki ishlar vazirligi matbuot xizmati xabar berdi.

Joriy yilning 23 oktabrida Toshkent shahrining Yunusobod tuman prokuraturasi tomonidan o‘tkazilgan sayyor qabul davomida internet-nashr vakillari bilan boshqa fuqarolar o‘rtasida janjal yuz berdi. Shu sababli bir fuqaro qisqa "102" raqamiga murojaat qilgan va voqea joyiga yetib borgan ichki ishlar organlari xodimlari barcha shaxslarni tergov o‘tkazish maqsadida bo‘limlarga olib ketishdi. Hozirda tekshiruv ishlari olib borilmoqda.

Vazirlik xodimlari ta’kidlashicha, ichki ishlar organlari xodimlarining harakatlari fuqarolar o‘rtasidagi mojaro paytida qonuniy protsessual harakatlar bo‘lib, ommaviy axborot vositalarining qonuniy faoliyatiga xalaqit berish bilan bog‘liq emas.

Ichki ishlar vazirligi "Taftish.uz" nashri ma’muriyatidan aholiga oldindan noto‘g‘ri ma’lumot tarqatmaslikni, "jurnalistlarga suiqasd", "zo‘ravonlik ishlatilgan", "assossis ravishda olib ketilgan" va "texnikasini bir qismi sindirilgan" kabi sarlavhalardan foydalanmaslikni so‘radi.