Nodirbek Igamberdiev O‘ktam Hakimovga mualliflik huquqini buzgani uchun moddiy va ma’naviy tovon to‘laydi

Adliya vazirligi huzuridagi Intellektual mulk agentligi matbuot xizmati xabar berdi.

Joriy yilning sentabr oyida O‘zbekiston Mualliflik huquqi va turdosh huquqlar egalari jamoat birlashmasi fuqarolik ishlari bo‘yicha Farg‘ona tumanlararo sudiga O‘ktam Hakimovning mualliflik huquqi buzilishini to‘xtatish, xususan, ma’naviy zarar va mualliflik huquqi buzilganligi uchun tovon undirishni so‘rab da’vo arizasi bilan murojaat qilgan edi. Da’vo fuqarolik ishi sifatida ko‘rib chiqilib, sud qaroriga ko‘ra, javobgar Nodirbek Igamberdiyev da’vogar O‘ktam Hakimovga 41 200 000 so‘m, shuningdek, javobgarga yetkazilgan 5 000 000 so‘m miqdorida tovon undirishi shart. Qayd etilishicha, sudlanuvchi O‘ktam Hakimovning "Ismigul" qo‘shig‘idan ruxsatsiz foydalangan.

"Ismigul" qo‘shig‘idan ruxsatsiz foydalangan huquqbuzar endilikda muallif O‘ktam Hakimovga 46 million 200 ming so‘m tovon va ma’naviy zarar to‘lashi kerak. Bundan tashqari, sudlanuvchi Nodirbek Igamberdiyev da’vogar O‘ktam Hakimov muallifligidagi "Ismigul" qo‘shig‘ini efirga uzatishni, uni barcha ijtimoiy tarmoqlarda joylashtirishni, O‘zbekiston Respublikasi hududidagi barcha davlat va nodavlat teleradiokanallar, ijtimoiy tarmoqlar va boshqa platformalarda istalgan shaklda foydalanishni darhol to‘xtatishi shart.