Nihoyat kelishib olindi: Fabio Kannavaro O‘zbekiston terma jamoasini jahon chempionatida boshqaradi

O‘zbekiston milliy terma jamoasi italiyalik murabbiy Fabio Kannavaroga qiziqish bildirayotgani haqida avval xabar bergan edik. Afsonaviy himoyachi va "Oltin to‘p" sohibi nihoyat O‘zbekiston terma jamoasini boshqarishga rozi bo‘ldi. Avvalroq, bir qancha futbol insayderlari mutaxassis Italiya klublari bilan ishlash istagi tufayli bosh tortgani haqida xabar bergan edi.

Jahonga mashhur insayder Fabritsio Romano O‘zbekiston va Kannavaro o‘rtasidagi muzokaralar muvaffaqiyatli o‘tganini tasdiqladi. Tomonlar yaqin kunlarda shartnoma imzolashi kutilmoqda.

Ma’lumotlarga ko‘ra, Kannavaro yana to‘rt yilga uzaytirish imkoniyati bilan bir yillik shartnoma imzolaydi. Kannavaro avval Italiyaning bir qancha klublari va Xitoy terma jamoasi bilan ishlagan. Uning murabbiylik faoliyati deyarli muvaffaqiyatli bo‘lmadi va O‘zbekiston terma jamoasi uni nima uchun tanlagani noma’lumligicha qolmoqda.