O‘zbekistonlik hujumchi Eldor Shomurodov yulduzli "Galatasaroy" darvozasiga gol urdi

18-oktabr kuni Istanbulda "Galatasaroy" - "Bashakshehir" uchrashuvi bo‘lib o‘tdi. Turkiya chempionatining 9-turidan o‘rin olgan o‘yin bo‘lib o‘tdi.

Yulduzli "Galatasaroy" jamoasi 2:1 hisobida g‘alaba qozondi. "Galatasaroy" safida gollarni "Bavariya" bilan nom qozongan dunyoga mashhur futbolchi Leroy Sane kiritdi. "Bashakshehir"ning yagona goliga Eldor Shomurodov mualliflik qildi. O‘zbekistonlik hujumchi ikkita gol urdi, biroq uning gollaridan biri ofsayd tufayli hisobga olinmadi.

"Bashakshehir" ayni damda 15-o‘rinda bormoqda. Klub jiddiy muammolarni boshidan kechirmoqda. Yozgi kuchayishiga qaramay, jamoa o‘z formasini yaxshilay olmayapti va evrokuboklar zonasiga chiqa olmayapti. "Galatasaroy" esa birinchi o‘rinni mustahkam egallab turibdi.

Yana bir o‘zbekistonlik futbolchi, "Bashakshehir" safida to‘p surayotgan Abbosbek Fayzullaev jarohati sabab uchrashuvni o‘tkazib yubordi. U O‘zbekiston milliy terma jamoasining Quvaytga qarshi o‘rtoqlik uchrashuvida jarohat olgandi.