O‘zbekiston Futbol Assotsiatsiyasi matbuot xizmatining xabariga ko‘ra, futbol faxriysi Roziq Turg‘unov 80 yoshni nishonlamoqda.
Xabarda aytilishicha, 24 oktabr kuni "Paxtakor" jamoasi sobiq himoyachisi, o‘zbekiston futboli veterani Roziq Turg‘unov 80 yoshini qarshilamoqda. Shu munosabat bilan Futbol Assotsiatsiyasi tomonidan tantanali tadbir tashkil etildi. Tadbirda Assotsiatsiya rahbariyati, boshqa futbol veteranlari, jamoat vakillari hamda Roziq Turg‘unov bilan birga "Paxtakor" safida o‘ynagan futbolchilar ishtirok etdi. Futbol veteranlari Borodar Abduraimov, Anvar Solijonov va Ivan Shkandin Turg‘unovning mahorati, fidoyiligi va "Paxtakor" jamoasiga sadoqatini yuqori baholadi.
Tadbir yakunida Roziq Turg‘unovga minnatdorchilik ramzi sifatida esdalik sovg‘alari topshirildi.