Andijon viloyatidagi ijtimoiy soha obyektlarida kuz-qish mavsumiga tayyorgarlik ko‘rish jarayonida kamchiliklar aniqlanmoqda

Maxsus respublika ishchi guruhi ijtimoiy soha obyektlarida tekshiruv o‘tkazmoqda - O‘zenergoinspektsiya" matbuot xizmati xabar berdi.

Andijon viloyatidagi ijtimoiy soha obyektlarining kuz-qish mavsumiga tayyorgarligini tekshirish bo‘yicha O‘zbekistonda "O‘zenergoinspektsiya" milliy ishchi guruhi tuzildi. Joriy yilning 15-23-sentabr kunlari 652 ta ijtimoiy soha obyekti tekshirildi. Mazkur obyektlarda 1881 ta kamchilik aniqlangan. Shuningdek, 15 ta oliy ta’lim muassasasi, 262 ta sog‘liqni saqlash muassasasi, 1398 ta umumta’lim maktablari, maktabgacha ta’lim muassasalari faoliyati ham o‘rganilib, ularning tayyorgarligi qoniqarsiz, deb baholandi.

Xususan, ishchi guruh tomonidan qozonxonalarning energiya samaradorligi, ventilyatsiyasi, yong‘in xavfsizligi choralari bilan bog‘liq 573 ta kamchilik aniqlandi. Shuningdek, elektr tarmoqlari va uskunalari holatida 396 ta kamchilik aniqlangan.

Tekshiruv natijasida 202 ta kamchilik bartaraf etildi. Qolgan kamchiliklar ustida ish olib borilmoqda.