Qozog‘istonda pedofillar kimyoviy kastratsiya qilinadi

Sog‘liqni saqlash vazirligining 2025-yil 1-oktabrdagi buyrug‘iga asosan, tibbiy yo‘sindagi majburlov chorasi sifatida kimyoviy kastratsiyadan foydalanish qoidalariga jiddiy o‘zgartirishlar kiritildi. Bu haqda "Zakon.kz" axborot agentligi xabar berdi.

Kimyoviy kastratsiya bolalarning jinsiy daxlsizligiga qarshi jinoiy huquqbuzarlik sodir etgan 18 yoshdan oshgan shaxslarga nisbatan qo‘llaniladi. Antiandrogen preparatlari in’ektsiyasini o‘z ichiga olgan protsedura qamoqdan chiqishdan olti oy oldin amalga oshiriladi.

Aniqlik kiritilishicha, shu munosabat bilan muassasa ma’muriyati ruhiy kasalliklarning mavjudligi yoki yo‘qligi va jinsiy zo‘ravonlikka moyilligini aniqlash uchun sud-psixiatriya ekspertizasini tayinlash uchun jazo muddati tugaguniga qadar o‘n ikki oydan kechiktirmay materiallarni sudga taqdim etishi shart.

Shu bilan birga, ushbu qoidalar sud qarori bilan aqli rasolikni istisno etmaydigan ruhiy kasallik aniqlanganligi sababli tibbiy yo‘sindagi majburlov choralari qo‘llanilgan mahkumlarga nisbatan qo‘llanilmaydi.

Sog‘liqni saqlash vazirligining 2025-yil 17-oktabrdan boshlab ushbu chorani qo‘llashning yangi, yanada qat’iy va aniq mexanizmini rasman o‘rnatuvchi buyrug‘i kuchga kiradi.